Jim Qeri / ჯიმ ქერი / Jim Carrey
ნოე 10 2014

Jim Qeri / ჯიმ ქერი / Jim Carrey

ნამდვილი სახელი: ჯიმ ქერი (James Carrey)
დაბადების თარიღი: 17 იანვარი 1962
დაბადების ადგილი: ნიუმარკეტი, ონტარიო, კანადა
პროფესია: მსახიობი,პროდიუსორი,
სიმაღლე: 1.87 მ
პირველი ფილმი: 1969
მეუღლე: ლოურენ ჰოლი (განქორწინება)

ჯიმ ქერი დაიბადა ონტარიოში (კანადა) 1962 წლის 17 იანვარს. ჯიმი ახალგაზრდობაშივე მიხვდა, თუ რა იყო მისი მოწოდება. 15 წლის ასაკში იგი გამოდიოდა ტორონტოს კლუბში “იუკ-იუკ”. მსახიობი ბევრს მოგზაურობდა კანადაში. 19 წლის ასაკში იგი ლოს-ანჯელესში გადავიდა საცხოვრებლად. ჯიმი სხავადსხვა იუმორისტულ შოუებში იღებდა მონაწილეობას. 1984 წელს ქერი ორ ფილმში მონაწილეობს: “Finders Keepers” და “The Duck Factory”. მსახიობს წარმატება არცერთმა არ მოუტანა და ჯიმი კვლავ შოუებში დაბრუნდა. ქერი ამავდროულად იღებს მონაწილეობას ეპიზოდურ როლებში: “პეგი სიუ გათხოვდა” (1986), “დედამიწელი გოგონები ადვილად ხელმისაწვდომები არიან” (1988), “ვარდისფერი კადილაკი” (1989) და სხვა. მას შემდეგ, რაც ჯიმმა მონაწილეობა მიიღო შოუში “ცოცხალი ფერები”, იგი მისი მუდმივი მონაწილე გახდა. სწორედ ამ შოუს შემდეგ ქერი ხვდება ფილმში “ეის ვენტურა” (1994). ფილმმა მას დიდი პოპულარობა მოუტანა. 1994 წელს კინოეკრანებზე კიდევ ერთი წარმატებული ფილმი გამოდის ჯიმის მონაწილეობით – “მასკა”. მალევე გამოდის ფილმი “ჩლუნგი და ჩლუნგზე უფრო ჩლუნგი”, რომელიც კრიტიკოსების უარყოფითი შეფასების მიუხედავად, მაინც პოპულარული გახდა. 1995 წელს ჯიმი მონაწილეობას იღებს “ეის ვენტურა 2-როცა ბუნება გეძახის” კიდევ ერთ სერიაში. MTV Movie Award-ს მსახიობი იღებს როლისთვის ფილმში “მეკაბელე” (1996). კრიტიკოსების აღიარება მსახიობმა მოიპოვა ფილმ “მატყუარა, მატყუარა”-ს შემდეგ. იგი ამ როლისთვის “ოქროს გლობუსზეც” იყო წარდგენილი. “ოქროს გლობუსი” მსახიობმა ორჯერ მიიღო როლებისთვის ფილმებში: “თრუმანის შოუ” (1998) და “ადამიანი მთვარეზე” (1999). ფილმისთვის “გრინჩი” (2000), მსახიობი ორ ჯილდოს იღებს: “MTV Movie Award” და “Blockbuster Entertainment Award”. ჯიმ ქერიმ არაერთ ცნობილ ფილმში მიიღო მონაწილეობა, კრიტიკოსების დადებითი შეფასებები და აღიარება მოიპოვა: “ყოვლისშემძლე ბრიუსი”, მხიარული მძარცველები” (2005), “23” (2007), “ჰორტონი” (2008), “ფილიპ მორის, მიყვარხარ” (2009).
+9964

უყურეთ Jim Qeri / ჯიმ ქერი / Jim Carrey ონლაინში ქართულად

გაუზიარეთ მეგობრებს!

სხვა მსახიობები


კომენტარები

2


დატოვეთ კომენტარი სოციალური ქსელის მეშვეობით