თეთრი არა შავი

ფილმის მთავარი გმირია ახალგაზრდა კაცი, რომელიც გერმანიის ვიზის მოპოვებას ცდილობს. ის პირველად მიდის ევროპაში საკმაოდ რთული მისიით, უნდა შეიძინოს მანქანა და სამშობლოში მშვიდობიანად ჩამოიყვანოს. ცოტა შეშინებულია, მაგრამ პოულობს უფრო გამოცდილ მძღოლებს, რომლებსაც უამხანაგდება. პირველად მგზავრობს თვითმფრინავით და პირველად დგამს ფეხს უცხო მიწაზე, სადაც ბევრი რამ არის საინტერესო, მაგრამ მას არ სცალია ქვეყნის დასათვალიერებლად. ერთი კონკრეტული მარშრუტი და მიზანი აქვს.